فرد الشعر بالحنة هــــــــــــــــــــــــ ــــــــام جـــــــــدا

السلام عليكم
دة اول موضوع ليا فى القسم هنا وانا حبيت اشارك عشان افيد واستفيد
الموضوع دة عن شئ هام جدا لاى بنت وهو فرد الشعر بطريقة امنة من غير ما الشعر يقع ولا يتقصف ولا يحصل اى مشاكل لان زينة البنت شعرها
كلنا نفسنا نفرد شعرنا ودة بيكون اما عشان الشعر خشن ومجعد او ناعم بس بيهيش ودى مشاكل اغلب البنات
وطبعا كتير مننا وقعوا ضحايا النصب باسم فرد الشعر وكانت النتيجية غير ضياع الفلوس هو ضياع الشعر كمان
فيه
الفرد بالكريمات وفيه الفرد بالكيماويات واخير وليس باخر فرد الكيراتين
اللى فيه خوف كبير منه عشان موضوع الفورمالين وتسببه فى السرطان ربنا
يكفينا الشر جميعا
دلوقتى بقى بنلاقى كتيير اوى يقولو عن الفرد بالاعشاب او الحنة وانه امن
طبعا الحنة والاعشاب هى امنة بكتير عن انواع الفرد التانية
بس
طبعا اكيد بردوا ليها اضرار لان الحنة الطبيعية مش من خصائصها فرد الشعر
يبقى اكيد فيه مادة محطوطة على الحنة هى اللى بتعمل الفرد دة
عشان كدة انا خصصت الموضوع دة لنوع فرد الشعر بالحنة
عاوزين الموضوع دة يبقى فيه كل التجارب والمعلومات عن فرد الشعر بالحنة
يعنى
اى بنت جربت الموضوع دة او حد من معارفها جربه تقولنا التجربة دى والاهم
انها تراعى الامانة فى كل اللى تقوله عشان الكل يستفيد هى تكسب ثواب
واخوتها البنات فى المنتدى يستفيدوا من كلامها
وياريت
اللى تقول تجربتها تعرفنا ايه النوع اللى استخدمته وجابته منين وسعره كان
ايه ومواصفاته ايه يعنى باختصار كدة كل شئ عن المنتج دة
معلش طولت عليكوا بس الموضوع بجد يستاهل الاهتمام بيه